Obra handiko lizentzia

Helburua

Lizentzia eskuratzea eraikinaren egiturari eta/edo fatxadari eragiten dieten eraikuntza berriko obretarako, handitze- edo berritze-lanetarako eta igerilekuetarako.

Izapidea nork egin dezakeen

Edozein pertsona fisiko edo juridiko, pertsonalki edo ordezkari bidez.

Tramitea nola egin daitekeen

• Telematikoki: orri honen behealdean dagoen Instantzia berria botoiaren bidez.
  • Eskatzailea administrazio publikoekin elektronikoki harremanak izan BEHAR DITUEN PERTSONA JURIDIKOA EDO SUBJEKTUA bada, horrela bakarrik aurkeztu ahal izango du.
• Aurrez aurre, udaletxeko bulegoetan.

Aurkeztu beharreko agiriak

• Obra-lizentziaren eskaera betata eta interesdunak edo ordezkariak sinatuta.
• Proiektu teknikoa, teknikari eskudunak idatzia eta dagokion elkargo profesionalak ikus-onetsia, formatu digitalean edo Nafarroako Gobernuaren proiektuen kontsignako lokalizatzaile-zenbakia eta sarbide-gakoa.
• Hondakinen kudeatzailea kontratatzeko justifikazioa.

Zenbatekoa

Ordenantza Fiskal arautzailean ezarritakoa.

Nola eta noiz ebazten den

• Eskaera obrei hasiera eman baino lehen egingo da beti. Bide publikoa okupatzeko lizentzia eskatzea, obren izaerak hala eskatzen duenean, obra-eskaeren barruan sartuko da. Ahazten den kasuetan soilik joango da interesduna ondoren eskatzera.
• Lizentzia eman ondoren obra ez bada egin behar, interesdunak idatziz eskatu beharko du baimena baliogabetzeko.
• Obrako lizentziak eman eta urtebetera bukatzen dira; epe hori igarotakoan lizentzia berritu behar da.